السلام عليكم، في بدايه المقاله سوف نتحدث عن اداره الملفات والتي لا غني عنها لاي مستخدم اندرويد، ولاكن اليوم سوف نقدم افضل تطبيق لاداره الملفات وسوف نتعرف علي الفرق بين هذا التطبيق وباقي التطبيقات العاديه والتطبيقات التي توجد اساسيه مع انظمه الاندرويد.
تطبيق MT Manager يعتبر من احد اقوي تطبيقات اداره الملفات علي الاطلاق، وتم عمل منه نسخ كثيره جدا بنفس الاسم ونفس الفكره مثل np manager وغيره من التطبيقات، وده دليل علي ان فكره التطبيق ناجحه جدا وكتير حاولوا يقلدوها.
مميزات تطبيق MT Manager
1- سهوله تصفح الملفات
علي عكس العديد من التطبيقات الاخري، يمكن لهذا التطبيق العملاق تصنيف والبحث بدقه كبيره علي ما تريد البحث عنه والوصول السريع له، وتصنيف الصور والفديوهات بشكل تلقائي، والافضل من كل ده انك تقدر تحصل علي ملخص كامل للداتا والبيانات في الخلفيه من غير ما تدور كتير.
2- محرر اكواد قوي يدعم اكتر من 100 لغه برمجه
في بعض الاحيان بتحتاج تعدل علي بعض الاكواد وتتصفح البيانات، زي اكواد برمجيه البايثون والمواقع والجافا وغيرها من الاكواد البرمجيه، وده لانه بيدعم اكتر من 100 لغه برمجه مختلفه، وده شيء نادر تلاقيه في تطبيق واحد بس علي الاندرويد. المحرر بيدعم كمان تلوين الكود (Syntax Highlighting) وده بيسهل عليك قراءه الكود ومعرفه اماكن الاخطاء بسرعه من غير ما تحتاج كمبيوتر.
3- محرر وتفكيك تطبيقات الاندرويد (APK)
بدلا من الحاجه لتثبيت محرر او معدل منفصل علي تطبيقات الاندرويد زي apk editor، يحتوي تطبيق MT Manager علي محرر ومعدل قوي جوه نفس التطبيق، ومميزات تتيح لك تفكيك تطبيقات الاندرويد والتعديل علي السورس كود الخاص بيها، مما يتيح لك ميزه بناء وتركيب التطبيقات الخاصه بيك بسهوله من غير الحاجه لبرامج تانيه. الميزه دي هي اللي بتخلي المطورين ومحبي التعديل علي التطبيقات يفضلوا MT Manager عن غيره من التطبيقات المشابهه.
4- محرر سداسي عشري (Hex Editor)
بالاضافه للمحرر النصي، بيوفر التطبيق محرر سداسي عشري قوي، وده مفيد جدا للمستخدمين المتقدمين اللي بيحتاجوا يتعاملوا مع البيانات علي مستوي منخفض جدا، زي تعديل ملفات النظام او اصلاح ملفات تالفه او فهم بنيه الملف من الداخل.
5- الوصول لصلاحيات الروت وواجهه اللوحه المزدوجه
لو جهازك مفعل عليه صلاحيات الروت، يقدر MT Manager يمنحك تحكم اوسع في ملفات النظام والاذونات، وهي ميزه موجهه للمستخدمين المتقدمين اللي عندهم خبره كافيه. وكمان بيتميز التطبيق بواجهه اللوحه المزدوجه، بحيث تقدر تسحب وتفلت الملفات بين اللوحتين مباشره من غير ما تفتح وتقفل المجلدات باستمرار، وده بيوفرلك وقت كبير جدا خصوصا لما تكون بتتعامل مع ملفات كبيره او كتيره في نفس الوقت.
ليه تختار MT Manager عن باقي تطبيقات اداره الملفات؟
الفرق الاساسي بين MT Manager وباقي التطبيقات العاديه اللي موجوده اساسيه مع نظام الاندرويد، ان التطبيقات دي بتقدملك بس وظايف بسيطه زي النسخ واللصق والحذف، لكن MT Manager بيجمعلك في تطبيق واحد كل اللي محتاجه المطور والمستخدم المتقدم مع بعض: اداره ملفات، تعديل كود، تفكيك تطبيقات، ومحرر سداسي عشري. وده بيوفر عليك تثبيت 4 او 5 تطبيقات منفصله علي جهازك، وبيوفرلك مساحه وذاكره ووقت.
خطوات استخدام التطبيق بسرعه
افتح تطبيق MT Manager
استخدم اللوحه اليسري لتحديد الملف المصدر
استخدم اللوحه اليمني لتحديد وجهه النقل
اسحب وافلت لنسخ الملف او نقله
اسئله شائعه عن تطبيق MT Manager
هل التطبيق بيحتاج صلاحيات روت عشان يشتغل؟
لا، التطبيق بيشتغل عادي من غير روت وتقدر تستخدم اغلب مميزاته الاساسيه بشكل طبيعي، لكن لو عايز توصل للمميزات المتقدمه اكتر زي تعديل ملفات النظام، هنا هتحتاج صلاحيات الروت.
هل التطبيق مناسب للمبتدئين؟
اه، رغم ان التطبيق فيه مميزات متقدمه للمطورين، الا ان واجهته بسيطه وسهله، فتقدر تستخدمه لاداره ملفاتك العاديه من غير ما تدخل في التفاصيل المتقدمه لو مش محتاجها.
هل فيه فرق بين MT Manager والنسخ التانيه المشابهه ليه؟
اه، MT Manager هوا النسخه الاصليه والاكتر استقرارا واستمرار في التحديث، بينما النسخ التانيه المشابهه غالبا بتكون تقليد ليه وممكن متكونش مستقره او محدثه بنفس الشكل.
بشكل عام، MT Manager تطبيق متكامل يناسب كل المستويات، من المستخدم العادي اللي محتاج اداره ملفات بسيطه، لحد المطور اللي محتاج ادوات تعديل متقدمه. لو مهتم بمجال تعديل التطبيقات او تطوير الاندرويد، التطبيق ده يستاهل تجربه فعلا.
يمكنك تحميل التطبيق من متجر جوجل بلاي كما يمكنك الاطلاع علي المزيد حول التطبيق من خلال ملف نصي
Comments
Post a Comment